Состанок со групата и поаѓање за Прага од пред хотел „ВИП“ (спроти Саем – Скопје) во 14:00ч. Дневно и ноќно патување преку Србија, Унгарија и Словачка.

Пристигнување во Прага во попладневните часови. Сместување во хотел. Слободно време за индивидуални активности и шопинг. Во вечерните часови факултативно крстаренје по В´лтава. Враќање во хотел. Ноќевање.

Појадок. Напуштање на хотел. Панорамски разглед на стариод град со локален водич: Карловиот мост, плоштадот на Малтешките витези, споменикот на Kарло IV, Кралскиот пат, Еврејскиот кварт, Париската улица, Старомајскиот плоштад со астрономскиот часовник – Орлој, цркавата Лорето, Градската куќа, Прашката кула, Националниот музеј, дворецот Храдчани, катедралата Св. Вито, Златната улица.. Во попладневните часови (околу 18:00ч.) заминување за Амстердам.

Пристигање во Амстердам во предпладневите часови. По пристигнувањето, Панорамски разглед на градот со локален водич: Плоштадот Дам, Кралската Палата, Куќата на Ана Франк, Хет националниот споменик, Магна Плаза, Дам, Конинлијке Палеис, посета на работилниците за изработка на дијаманти. Факултативна можност за крстарење низ каналите во Амстердам. Сместување во хотел. Вечерна прошетка низ најстариот дел на градот каде се наоѓа познатиот Де Вален или таканаречениот Red Light District и уште попознатите продавници за кафе, Хемп музеј, театарот Каза Росо... Враќање во хотел. Ноќевање.

Појадок. Слободно време за индивидуални прошетки низ Амстердам или целодневен факултативен разглед на најубавите холандски градови : Ден Хаг, седиште на карлската фамилија и холандсака влада, посета на најубавите летувалишта на Холандија, Шевенинген и на најголемо европско пристаниште Ротердам... Во вечерните часови враќање во хотел. Слободна вечер. Ноќевање.

Појадок. Слободно време за индивидуални прошетки низ Амстердам или можност за факултативна посета на националните холаднски музеи Ван Гог – каде се наоѓа најголемата колекција на уметнички дела од авторот Винсент Ван Гог, и музејот Рикс – во кој се изложени уметнички творби кои датираат од 17тиот век... После тоа, факултативна посета на првата оригинална фабрика – музеј на Хајнекен – одлично искуство да се доживее магијата на најпознатото пиво во светот, начинот на производство на пиво и т.н. Во вечерните часови заминување за Салзбург.

Пристигање во Салзбург во пладневните часови. Разглед на градот со локален водич: Фонтаната и градината во дворецот Мирабел, родната куќа на Моцарт, Градската палата, Тврдината, споменикот на Моцарт.Сместување во хотел во попладневните часови. Слободно време за индивидуални активности, шопинг и сл. Ноќевање.

Појадок. Слободно предпладне. Заминување за Скопје околу пладне преку Австрија, Словенија Хрватска и Србија.

Пристигање во Скопје во попладневните часови.

Во цената на аранжманот вклучено е:

• превоз со високотуристички автобус на наведената релација
• 1 ноќевање со појадок во Прага во хотел со 3*
• 2 ноќевање со појадок во Амстердам во хотел со 3*
• 1 ноќевање со појадок во Салзбург во хотел со 3*
• разглед на Прага, Амстердам и Салзбург со локален водич
• Професионален пратител на патувањето

Во цената на аранжманот не е вклучено:

• Крстарење по В´лтава – 15€
• Факултативна посета на Хаг-Шевенинген-Ротердам - 30€
• Факултативно пловење по прекрасните канали Херенграхт и Кеизерграхт
• Факултативна посета на Хајнекен – 15€
• Влезници за музеи